MALPICA 1 - CERQUEDA 1

Partido xogado con tempo bastante cambiante e desapacible. Enfrente tiñamos ao equipo veciño que, ainda que tiña bastantes problemas de efectivos no que vai de liga, hoxe xuntaron a dezasete homes para o derbi. Polo tanto cada equipo contou soamente con un par de ausencias. E o xogo foi bonito de seguir posto que os dous equipos empleáronse a fondo para tentar gañar o partido, sin querer dar ningún balón por perdido.

Despois dos primeiros escarceos, no minuto 10 Alberto marca de falta con un lanzamento que botou diante e sorprendeu a Jorge. A resposta deles veu dada por un tiro impresionante de David (con unha gran parada de Nacho) e outro tiro do nº 11, Pablo, que puxo en apuros ao noso porteiro e saiu despois de tocar na cruceta da portería. Sin embargo, a mellor ocasión de todas a tivo Oscar, que recibiu un centro desde a esquerda de Pablo de Seaia cando estaba sólo diante da nosa portería e non pudo definir con claridade o cabezazo, que marchou alto. E decir, que chegamos ao descanso con unha ventaxa que non facía total xusticia ao visto no campo.

Na segunda mitade mais control do centro do campo dos xogadores do Cerqueda. Nós non atinábamos a ter o control do balón cando o collíamos posto que o perdíamos inmediatamente. Ainda así pudemos poñernos 2-0 nunha xogada na que Fran gañoulle ben as costas da defensa do Cerqueda e tirou forte facendo unha gran parada Jorge. Perdoamos e no minuto 57 unha xogada que semellaba intrascendente con entrada de Fernando pola banda dereita do ataque deles finalizou nun pase a área e, cando todos pensábamos que Tino a iba a despexar lonxe, non chegou ao balón e acabou nos pés de Blas que, sólo diante da nosa portería, non perdonou e acadou o empate. De ahí en adiante seguiu o control no xogo por parte do Cerqueda e nós pelexando cada balón.

A oportunidade de ouro de gaña-lo partido pasou no minuto 89. Nunha falta sacada desde a esquerda por parte de Mutio con centro a área pequena, Jorge non atalla a pelota e o seu rechace foi cabeceado por Fran ao pao esquerdo da portería cando cantábamos o gol.

Isidro estivo bastante ben. Ainda así foi políticamente correcto nas tarxetas que non quixo mostrar nin a Lancha nin ao nº 11 Pablo. Nós protestámoslle tamén un fora de xogo que pitou a Galerna no último minuto de partido, cando se escapaba cara portería, porque pasou a altura do noso banquillo e vimos claramente que estaba en posición legal pero tamén entendemos que non é doado percibir ese tipo de xogadas.