VETERANOS DE MALPICA

domingo, 27 de abril de 2025

VETERANOS DE CORISTANCO 4 - VETERANOS DE MALPICA 1 (COMENZO E FINAL NA COPA DA COSTA DE VETERANOS)

Tempo tremendamente soleado para xogar, con un pouco de calor.

Veteranos de Malpica: Suso; Chaves, Fenosa, Alberto, Luis; Charli, Mutio, Álex, Chols; Lema e Nacho. Despois xogarían tamén Marcos, Milli e Pedro de Xoane. Pouca xente para vintacinco fichas que temos. Pero tendo sete lesionados/enfermos e catro que non puderon vir...

Goles:

1-0 (min. 49): Pichel, de penalti. 1-1 (min. 55): Chols. 2-1 (min. 73): Carliños. 3-1 (min. 78): Barca. 4-1 (min. 84): Barca.

......................................................................................................................................................................................................................................

Dúas partes diferenciadas. Na primeira bastante control por parte dos dous equipos e poucas ocasións, dúas para cada equipo. A mais clara a tivo Nacho no min. 35, cando recortou ó defensa cara a dereita e tirou por baixo, facendo Cotelo un paradón.

Na segunda mitade viñeron os goles. Ó primeiro deles, nun penalti feito por Suso, respostou Chols con un bonito gol, tirando unha vaselina levantando o balón desde un lateral do campo. Tivemos ata tres oportunidades mais (entre o min. 66 e 70) para adiantarnos por medio de Lema e dúas veces Nacho (a última nunha asistencia de Charli perfecta en carreira que volveu a parar Cotelo), pero non pudemos concretar e marcaron eles. Ainda tivo Mutio unha moi boa para empatar, facéndose co balón e levantando sobre a saida do porteiro. Pensando nós que xa era gol, o balón botou na parte de arriba da portería. E do posible empate, dous minutos despois marcaron o 3-1 e acabaron cas nosas esperanzas. Xa baixamos os brazos e marcaron outro mais.

Arbitrounos por vez primeira D. Roberto Baña Amado. Moita xuventude pero tamén saber estar. Ningún dos dous equipos tivo nada que queixarse da arbitraxe. Non quixo poñer ningunha tarxeta por moito que sí houbo algunha entrada merecedora de esa amonestación. Pero o partido transcurriu por cauces moi deportivos.

domingo, 13 de abril de 2025

VETERANOS DE BUÑO 4 - VETERANOS DE MALPICA 0 (FINAL DA PROMOCIÓN DE ASCENSO)

Si xa nos dous partidos de semifinais tivemos bo tempo, o da final foi inmellorable. Sol en todo momento e ausencia de vento, parecía mais un día de verán que da época na que estamos.

Veteranos de Malpica: Nacho; Nando, Alberto, Marcos, Luis; Richard, Álex, Mutio, Charli, Chols; Lema. Despois xogarían tamén Casqueiro, Chaves, Leo, Manu, Pedro de Xoane e Sergio.

Goles:

1-0 (min. 10): Zinho. 2-0 (min. 35): Angel Casal. 3-0 (min. 36): Zinho.

4-0 (min. 68): Chapela.

Sólo faltou Fenosa con respecto ó equipo do domingo anterior. Pero o resultado foi totalmente diferente (incluso con respecto ó último partido de liga disputado contra os oleiros o 16 de Marzo, de 6-0 para nós). Esta vez o Buño pasounos literalmente por enriba, sobretodo nunha primeira parte de manual. Con un (Martín) Zinho en plan estelar. Non soubemos impoñer o noso xogo e, con dous goles en un minuto, o Buño solventou a final. Pero, aparte de esos tres goles da primeira mitade, os oleiros tiveron catro ocasións de gol mais (dúas de Lorenzo mais unha de Joaquín e outra de Angel Casal).

No descanso dixemos que non podíamos seguir así. Xa remontamos algún marcador así, pero ahí xogáramos bastante mais. Mais, a pesar de que a pelexa no centro do campo foi mais disputada, o Buño volveu a marcar e acabou cas nosas ganas. Tiveron incluso cinco ocasións mais, entre elas dous auténticos paradóns de Nacho. Nós, por contra, só tivemos unha de Richard e un despexe de Víctor Vilar que foi cara a cruceta da súa portería. Para o seu público foi toda unha delicia disfrutar da goleada, nun partido que non deixaba de ser un derbi. Tanta festa foi, que o entrenador do Buño deu entrada nos últimos minutos a Prosineki, un homenaxe moi merecido despois de todo o que tivo que aguantar na portería do equipo durante a temporada. Con esta merecida victoria, o Buño clasificouse para xogar a vindeira temporada en división de honra. Por unha vez impúxose a lóxica do torneo regular e pasou o terceiro da liga. Arbitrou D. Alfonso Caamaño Blanco, axudado por dous linieres. É bastante lóxico que haxa linieres en unha final pero a verdade que un deles non se enterou de nada, todo un choio para os dianteiros oleiros . O segundo gol do Buño foi en fora de xogo claro e, despois dese gol, ainda deixou pasar outro do mesmo autor ainda mais claro. Nembargantes, o árbitro pasou desapercibido no medio desa festa.

domingo, 6 de abril de 2025

VETERANOS DE MALPICA 2 - VETERANOS DE SOFÁN 0 (SEMIFINAL PROMOCIÓN ASCENSO // 3-0 NA ELIMINATORIA)

Moi bo tempo en Pedra Queimada. Mañá soleada con moita calor, o cal fixo acabar as existencias de auga para os xogadores.

Veteranos de Malpica: Nacho; Nando, Fenosa, Alberto, Luis; Richard, Charli, Mutio, Álex, Chols; Lema. Despois xogarían tamén Casqueiro, Chaves, Leo, Milli e Pedro de Xoane.

Goles

1-0 (min. 14): Charli.

2-0 (min. 82): Chols.

Pudemos pasar a final da promoción de ascenso nun partido non carente de incerteza, pois o Sofán vendeu cara a pel. Nosos foron os primeiros 35 minutos. Xa no comenzo tivemos un par de córners a favor nos que o perigro rondou a portería do Sofán. Foi no terceiro córner donde Mutio centrou cara o segundo pau donde estaba Lema, que devolveu de cabeza ó centro, e Charli remachou a gol. O noso xogo de mediocampo era combinativo e non dábamos opcións. No 36, asistencia de Leo cara Chols, que rematou desviado. Pero a partires de ahí pasou o Sofán a domiñar ese centro do campo. Charli tivo que pasar ó eixo da defensa por lesión de Alberto e perdemos o control do xogo. No min. 37 Marrozos pudo empatar cando recibiu unha asistencia e, diante da saida de Nacho, elevou moi ben o balón que saiu moi preto do poste, cando todos espérabamos que fora gol. E no min. 43, de novo Marrozos recibiu un balón en moi boa posición, mais tirou alto. No descanso non as tiñamos todas con nós porque non estábamos empatados de milagre. No min. 53 foi Lito Carracedo o que rematou un centro desde o córner, saindo alto por pouco (foto 6). A partires de ahí volvemos a ter o control do partido e as ocasións. No min. 61 Richard fíxose co balón en boa posición pero rematou alto. No min. 78, córner e cabezazo de Fenosa que saiu un pouco alto, cando tiña todo para ser gol (foto 8). Faltaba ese 2-0 que nos dese a tranquilidade e conseguiuno Chols no m. 82, cando se fixo co balón pelexando co defensa e tirou marcando. Xa pudemos descansar. No min. 90, doble oportunidade de gol clara para Richard e Milli. E no min. 90+2, córner e novo cabezazo de Fenosa. A última foi para eles, cando no min. 90+3 Roberto se fixo con un despexe de Nacho e tirou fora. ........................................................................................................... Arbitrou D. Iván Guerra Domínguez. Seriedade e unha garantía de bó facer. Moi ben colocado, non deu opcións a polémicas.

domingo, 30 de marzo de 2025

VETERANOS DE SOFÁN 0 - VETERANOS DE MALPICA 1 (SEMIFINAIS PROMOCIÓN ASCENSO - PARTIDO DE IDA)

O Carral recibiunos con algo de frío pero o sol asomaba i era cuestión de tempo que o clima fose moito mais agradable.

Veteranos de Malpica: Suso; Nando, Fenosa, Alberto, Luis; Charli, Mutio, Álex, Chols; Nacho e Lema. Xogarían tamén despois Casqueiro, Leo, Milli, Pedro de Xoane e Richard.

Goles:

0-1 (min.60): Richard.

Partido ben levado pola nosa parte e dominio malpicán durante gran parte do encontro.

Na primeira mitade sólo houbo tres oportunidades e foron nosas. No min. 4, tiro de Charli a base do pau esquerdo, parando ben Rubén Queijo; no min. 27, falta sacada por Mutio e remate de cabeza de Lema, tapando ben un defensa. Por último, no min. 34 tiro de Fenosa, saindo fora por moi pouco. Na segunda mitade mais ocasións do noso equipo, pero o Sofán tivo unha das mais claras no min. 59 para adiantarse no marcador: perdeu un balón Fenosa que recuperou na banda esquerda Pensado e botou un centro medido ó corazón da área pequena donde estaba Campos que rematou de cabeza, enganando totalmente a Suso, mais o seu cabezazo saliu fora, cando todos creíamos que iba a ser gol. Fallou o Sofán, e no min. siguinte Lema asistiu a Richard, que escapou cara porta e zafou ben de Rubén, marcando o noso gol. A partires de ahí, tres oportunidades para nós e unha para os sofanistas. No min. 67, centro medido de Lema e Nacho, en boca de gol, rematou fora. No min. 76, Nacho non conseguiu rematar ben un balón pelexado por Lema, cando estaba en moi boa posición para facelo. No min. 83, nun balón enviado en largo desde a defensa sofanista, Buño fixo un escorzo no aire e consigue desviar, poñendo en apuros a Suso, pero saindo fora (foto 7). E, por último, no min. 90+2 Richard volveu a escaparse sólo, en moi boas condicións para marcar o segundo, pero primeiro Ruben rechazou e despois a defensa conseguiu chegar a tempo de evitar o gol (foto 10). Arbitrou D. Alejandro Tato Gómez. Tardou en amosar as tarxetas, perdoandolle dúas moi claras ós sofanistas. Tampouco nos fiamos moito ambos equipos da súa arbitraxe desde lonxe da xogada. Era un partido moi doado para pasar desapercibido, pois os dous equipos amosaron bastante deportividade.