AVISO
As opinións sobre dos partidos son feitas, a maioría das veces, segundo a información dun integrante dos Veteranos de Malpica. Seguro que haberá xente que non esté de acordo coas mesmas. Ou que sI o esté. Para iso están os comentarios si queren facer uso deles. Faltaría mais. O que si DESEXARÍAMOS é que, aÍnda que o poñan como "anónimos" , digan claramente quen é cada un para así evitar malos entendidos. MOITAS GRAZAS.
O tempo empezou fresco (eran as dez da mañá) mais foi tornando en agradable según ibamos meténdonos no partido. Veteranos de Malpica: Suso; Koki, Fenosa, Alberto, Jorge; Markitos, Mutio, Charli, Diego; Lema e Richard. Xogarían tamén despois Carlos, Casqueiro, Leo, Luis, Manu e Rafa.
Goles:
0-1 (min. 9): Diego. 0-2 (min. 33): Charli.
0-3 (min. 62): Richard. 1-3 (min. 70): Adrián Puga. 2-3 (min. 71): Adrián Puga. 2-4 (min. 90): Mutio. 2-5 (min. 90+2): Markitos.
Visitamos un campo e un equipo que se nos deu moi mal a última vez, pois perdemos 4-1 na copa fai dúas temporadas. Esta vez o equipo funcionou moi ben e pelexamos todos os balóns. Marcaron a primeira media hora dous erros dos dous porteiros. No primeiro saíu da portería do Coristanco Juan Abelenda, perdeu o balón que recolleu Diego e lanza a portería baldeira, marcando o 0-1. Os 29 minutos pasoulle o mesmo a Suso pero o tiro (portería baldeira) é salvado milagrosamente por Fenosa, facendo un escorzo no aire. De poder estar empatados, pasamos ao 0-2 nun remate en prancha de Charli a saída dun saque de esquina botado por Richard. E puidemos aumentar o marcador sobre o tempo de descanso; primeiro cun pase da morte de Richard, chegando a liña de fondo, para Jorge, ao que lle sacan o balón "in extremis", cando se dispoñía a rematar. E un minuto despois foi Rafa o que cabeceou desviado e con potencia un saque de córner botado desde a esquerda.
Empezou a segunda metade cunha oportunidade de Roberto Rancaño semellante a que tivo Rafa anteriormente, e non foi gol por casualidade. No min. 62 púxose o partido moi doado con escapada e gol de Richard. Ou iso críamos nós. Porque veu a relaxación por parte que non se vira antes e no espazo dun minuto pasamos a sufrir como cabróns. Pois viñeron dous goles seguidos deles en balóns interceptados no medio do campo, con pases entre liñas a Pena, que salvou perfectamente a Suso. Empezaron os nervios, pois quedaban 20 minutos e un só gol de diferencia. Pero puxemos as pilas, volvemos pelexar como cosacos. Puidemos volver a marcar no min. 81, cun centro desde a dereita de Richard e Lema cabeceou, dando o balón na base do poste esquerdo da portería. E no último minuto regulamentario Mutio escapou cara porta e marcou o gol da tranquilidade. Dous minutos despois foi Markitos o que puxo o gol definitivo, loitando cá defensa e porteiros rivais, levándose o balón contra vento e marea. Non merecemos tampouco un marcador tan descompensado ao noso favor.
Arbitrou D. David Castro Varela. Moi serio. Deixou xogar pero tamén pasou de pitar faltas moi claras. A nós fíxonos o favor de avisar ao corpo técnico de sacar do campo a Carlos, pois quentouse cando lle pitou unha falta en contra no min. 39 (que mais ben fora ao noso favor) e o noso xogador non daba calado, a pesar de amosarlle un cartón amarelo. Creemos que ben feito, porque unha expulsión, sen haber violencia física por medio, pareceríanos demasiado.
