MALPICA 0 - LEILOIO 1

Boa mañá para xogar ao fútbol. Enfrentábamonos dous dos equipos máis fáciles desta Copa, polo menos, dos que encaixan maior número de goles. Moita batalla e pouca seriedade nas marcas.

Na primeira mitade eles tiveron unha ocasión clara por medio do seu nº 17, José Añón, que, incomprensiblemente, mandou fora cando tiña todo a favor. Nós tivemos a mellor das oportunidades: penalty ao noso favor que fallou Castriño. Xa empeza a ser de cachondeo a lotería dos penaltys en que convertimos a elección de quen vai a lanzalos. Tí colles o balón, tí o lanzas.

Na segunda mitade mais do mesmo. Eles tiveron unha boa oportunidade por medio do nº 7, Cañarte, que tirou ao longueiro cando se cantaba o gol. E pouco despois Pol aproveitábase do barullo na nosa área (contan que se axudou algo coa man) e fusilou desde dentro da área pequena. Tentámos empatar pero hoxe non tiñamos ningún dianteiro a quen mandarlle balóns.

Arbitróunos Francisco Caamaño que o fixo ben en líneas xerales. Non aguanta que se lle falte ao respeto, o cual tentaron en diversas ocasións. Acertou no penalty que pitou ao noso favor. E fallou nalgún que outro fora de xogo que lle pitou a eles. Pero non tivo incidencia no resultado do partido. Poñemoslle un dous.