FESTÍN NA PEDRA QUEIMADA

Malleira fubolística ante un equipazo de veteranos da Estrada. Pero estaba todo planificado, non quixemos facerlles un "feo" e xogamos coma sempre, no noso nivel.
Pero desquitámosnos na hora da cea. ¡Comemos o nosa parte e máis a deles!

A carne asada estaba no seu punto: blandiña, e xugosa

Chegou un intre en que se bebía ata nas pozas. A felicidade era patente...

-"Os rumores da dubidosa procedencia da carne asada son bulos infundados"- declaraba ante as cámaras de medio mundo, o noso antropólogo "Horatio Douranson".

- Como moito pódese tratar dun antepasado directo do "Austrolopiteco Malpiquensis"-afirmaba o noso científico.

-" Básome nas análises dun fémur atopado no fondo da pota, moi semellante o do mandril de cu vermello, e podo afirmar con rotundidade que éste homínido apenas se podía manter de pe"- estas rotundas declaracións non so aclararon nada senón que incrementaron as dúbidas, xa que de ser certas estas afirmacións é posible que se trate dalgún dos veteranos do Malpica.