Domingo con lurda de auga impresionante que nos acompañou a Fisterra, ata o instante preciso en que os dous equipos saltaban ó campo (e que fixo que tivesen que reconsideralo e empezar cinco minutos mais tarde).
Eso fixo tamén que o campo estivese totalmente encharcado e que cada balón que se mandaba en largo tanto podía sair disparado ao botar como quedar frenado e xerar ocasións de perigro ao non contar os defensas con esa circunstancia (sobretodo os nosos, que non coñecían o terreo) . Conforme foi avanzando o partido ata luciu o sol e o campo secou perfectamente.
Veteranos de Malpica : Juan; Pedro, José Regueira, Leo, Luis; Arcay, Víctor, Alberto de Barizo, Joshua; Bugallo e Nacho. Tamén xogaron Alberto de Seaia, Chucho, Mutio e Wash (tamén entrenador aleatorio polas ausencias de Dourado e Fernando).
Na primeira mitade o Fisterra xogou a favor de vento. Buscaban os disparos desde o mediocampo e as xogadas en segunda líña. Marcaron cedo, no min. 6 tiro lonxano que Juan para en primeira instancia, o balón saeu rebotado sin que o noso porteiro poidese determinar onde, e Rodrigo Lobelos entrou lanzado para metelo dentro. Nós empatamos dous minutos despois cando, en pelexa dentro da área grande, o balón queda a pés de Arcay, quen non dubidou e tirou forte e raso sin que o porteiro fisterrán poidese atallar.
A partires de ahí moito xogo no medio do campo, loitando co estado do mesmo mais a acumulación de homes, pois eles teñen xente de presión (Rodri, Dantés, Mbengue,...) e nós casi que non podíamos profundizar porque Nacho estaba vixiadísimo por tres homes, quedando o noso ataque supeditado ó xogo de Mutio e Alberto de Barizo con aperturas cara a carreira de Arcay pola banda.
Soamente houbo unha xogada polémica durante todo o partido. En un balón que pretendiu sacar José Regueira, ó borde da área grande, estorbarono e un dianteiro rival meteu o pé en plancha para evitar o despexe. José deulle ó balón mais ó pé do dianteiro. Rives pita falta de José pero sacaa fora da área. Nós decíamos que era falta clara a José. Os fisterráns recoñecían que sí o era pero, que si o árbitro pitara falta a favor deles, a xogada fora dentro dos límites da área e tería que pitar penalti. Finalmente sacaron a falta petando o balón na barrera. Fora deso, un par de tiros lonxanos dos verdes, un detido espléndidamente por Juan (xa sacara outro que quería entrar pola escuadra na primeira parte) e outro que saiu preto do pao esquerdo.
Final con empate que nos soubo ben porque o partido frente a este equipo novel foi difícil, creemos que eles acabarán arriba da clasificación porque teñen unha plantilla xove e que sabe xogar ben ó fútbol. Pola nosa banda, este empate fai que sexamos líderes en solitario, xa que o Cabana, co que estábamos anteriormente empatados a puntos, descansou esta xornada.
Arbitrou Rives e o fixo moi ben. Non soportou que ninguén rechistara (a única tarxeta para o noso equipo foi a Alberto de Barizo porque reclamou con insistencia que lle deran unha patada forte) e impuxo que os xogadores se dedicasen únicamente a xogar. A única xogada polémica na que pudo incidir foi a que contamos pero resolveuse xustamente.
Ningún comentario:
Publicar un comentario