VETERANOS DE MALPICA 1 - VETERANOS DE CABANA 2 (ADEUS AO TORNEO DE COPA)

CRÓNICA DE LUIS PORTO : 

Goleadores:     

0-1, m. 30 : Iván, recibe un balón longo rexeitado pola súa defensa. Os malpicáns coa súa defensa adiantada non poden impedir que o dianteiro cabanés encare só a Bugallo e báteo por baixo.     

1-1, m. 35 : pase en profundidade de Mútio sobre Nacho, záfase por velocidade dos defensores e marca a pracer. 

1-2, m. 90+1 : cos veteranos malpicáns volcados en busca do empate, de novo o goleador Iván, aproveita en rápido contraataque unha saída en longo de balón para marcar o gol da vitoria.    

Comentario:     Partido igualado de principio a fin, sen destacar a diferenza de categoría dos cabaneses sobre os malpicáns. O Cabana, saíu a tocala pelota co fin de deixar correr os minutos, pois a vantaxe do partido de ida contaba ao seu favor. Isto propiciou que os malpicáns con roubo de balóns desfrutaran de varias ocasións de gol, (unha no primeiro tempo e tres no segundo) que erraron lamentablemente Nacho e Marcelino.

Así as cousas, foron transcorrendo os minutos nos que o oportunismo de Iván, inclinou a balanza a favor dos de Cabana, que aparta aos veteranos do Malpica da “copa” na que tiñan depositadas moitas esperanzas. Remata por tanto a tempada  para eles, agora a planificar ben a vindeira tempada fichando xente que se implique e cumpra no novo proxecto.

Árbitro:            Sr. Gerardo.-  Regular, escamoteoulle un claro penalti aos malpicáns por derrubo a Marcelino, no m. 75 (Nota dos veteranos: ese momento podía haber cambiado as cousas na eliminatoria).