¡ A VERDADEIRA HISTORIA DO CARIOCA !

A noticia da retirada do crack de Cabana, correu coma a pólvora por toda a bisbarra, un equipo de Informe Semanal desprazouse hai uns días ó seu domicilio pero non da sinais de vida.

Unha pena o da súa retirada (o comité arbitral non pensará o mesmo)....

Pero as verdadeiras razóns para que tomase ésta decisión veñen de moito atrás: según o seu pediatra, o Carioca estaba chamado a ser un neno que daría moitas "noites" de jloria, e moi pronto a rivalidade entre ambos irmáns comezaría a ser patente, ¡o distanciamento estaba cantado!

O Carioca escolleu un equipo gañador de tendencia cristiana, (non coma o seu irmán: un equipo ateo e de borrachuzas) pero pronto se pasaría ao lado escuro, donde as súas excentricidades non pasarían inadvertidas para o resto dos seu compañeiros: amigo de festas e bacanais sen horario, rodeábase de xente un pouco rara. O tabaco, driojas e mulleres eran algo habitual no vestiario....

O seu compañeiro e rival deportivo na dianteira do Cabana de Veteranos nun principio intentouno levar polo camiño correcto pero acabou deixandose arrastrar polo vicio cara o mundillo da farándula.
Profesionalmente as cousas lle van mellor aínda que o negocio de comidas non é o que era; éste sector está contínuamente renovándose co que non lle quedou outro remedio que adaptarse aos tempos que corren, e dar, en sesións pechadas, a altas horas de madrugada un servizo de cátering especial para o mundo feminino.

A derradeira foto que obtivemos do susodito e o seu socio foi o pasado domingo, nun lugar que por razóns obvias non vamos a mencionar para preservar a súa intimidade dos miles de periodistas que o acosan; nela pódese ver o deixado que se sinte pola súa decisión....

NOTA: ¡Gracias Carioca por empezar todo esto, e espero que o teu novo posto de comentarista de fútbol de veteranos che deixe tempo para seguir no blog e no mundo do fútbol!