CRÓNICA DE LUIS PORTO :
Goleadores:
1-0, m. 2: Saque de curruncho lanzado por Mútio a media altura que Marcelino, de extraordinario testarazo en prancha, clava na rede.
2-0, m. 45: pase entre liñas de José L . Arcay, sobre o desmarque de Marcelino,resolvendo este diante do porteiro visitante con mestría.
2-1, m. 67: o defensa malpicán Chucho, intenta controlar co peito un centro dos visitantes, o “coiro” váiselle un pouco, recolle Héctor, e fusila ao porteiro local Bugallo.
3-1, m. 69: reaccionan en seguida os veteranos locais e, un balón rexeitado en longo pola defensa, cáelle por banda dereita a Marcelino, este ve ao porteiro adiantado e dispara, sen apenas ángulo, o porteiro, nun exceso de vista cre que o “coiro” vai fora e introdúceselle na súa portería.
Incidencias: Mañá nubrada con vento frío do N.E. Non houbo mancados nin expulsados.
Comentario: Un Malpica con poucos recambios no banco, superou ao Poniente sen moitas dificultades, grazas a un hat-trick de Marcelino, que, a falta do goleador Nacho (mancado posiblemente para toda tempada), soubo realizar a misión acertadamente no posto de dianteiro. Paradoxicamente, salvo o último, os goles foron conseguido en contra do vento.
Con este resultado e o colleitado o pasado venres, os malpicáns rompen unha racha negativa de cinco partidos sen gañar, manténdose na zona media da táboa.
Árbitro: Sr. Yulo.- Correcta actuación.
Ningún comentario:
Publicar un comentario