VETERANOS MALPICA 4 - VETERANOS OS ARCOS / RIO GRANDE 1

Mañán que iba a ser pasada por auga e que non foi mais que orballo ata que finalizou o partido. Despois sí que choveu e o campo quedou anegado.

Veteranos de Malpica: Suso Malpica; Pedro, Suso Zas, Alberto Choiva, Chaves; Javi Mato, Mutio, Leo, Joshua; Arcay e Palermo. Despois xogarían tamén Alberto de Carballo, Nando, Luis, Abel, Fernando e Wash.

Enfrentabamos ó colista, o Rio Grande - Raxería Os Arcos, un equipo que deu que facer e ó que non pudemos doblegar ata o min. 70. Hoxe foi determinante a presencia de Suso na portería e o sacrificio de todos os xogadores, máxime dos homes de ataque, que non se deron nunca por vencidos.

Oportunidades da primeira mitade : 

Min. 10 (1-0): Pase en largo de Luis cara a dereita, non o atallou a defensa baiesa, recolleu o balón Arcay, driblou sobre da saida de Manolito, marcando un bonito gol.

Min.15 : Palermo, en pelexa cos centrais, conseguiu tirar despexando a unha man, apuradamente pero moi ben, Manolito.

Min. 18: Rexeite da defensa malpicán que recolleu un dianteiro do equipo rival . O seu tiro posterior saiu desviado.
Min. 19: Balón en largo do equipo rival, cara a escapada de Amado. O sete chegou só diante de Suso e o seu tiro foi rexeitado perfectamente ca perna polo noso meta.

Min. 26: O balón chegou a posición de Ferreiro, que tirou e Suso desviou brilantemente a córner, nun paradón.

Min. 40: Alberto de Carballo cedeu mal un balón e recolleuno Ferreiro, que entrou na área e tirou alto, cando estaba en moi boa posición para marcar.

Min. 44: Balón en largo cara Arcay, que entrou ata o fondo, recortou ó seu defensor, pero o seu tiro foi a dar no lateral da rede.

Oportunidades da segunda parte :

Min. 47 (2-0) : saque de un córner e cabezazo de Alberto de Carballo que deu no pao i entrou.

Min. 59 (2-1) : Lema recolleu un balón preto do borde da área grande e lanzou un tiro impresionante por baixo que Suso non conseguiu atallar.

Min. 72 (3-1) : Balón en largo cara a escapada de Palermo, que o protexeu ben do acoso de Suso, entrou na área e bateu a Manolito.

Min. 78 : Adentrouse Nando pola dereita da área e, cando todo o mundo esperaba unha asistencia cara o centro, lanzou  un disparo que petou no poste dereito.

Min. 80 (4-1) : Palermo recolleu un balón no borde da área grande, sorteou a defensa baiesa, marcando por baixo.

Arbitrou D. Alberto Baña Tajes. Non se complicou para nada, fixo unha arbitraxe amable (só mostrou un cartón amarelo), pero tamén seguiu moi de preto o xogo. Tampouco houbo xogadas polémicas. Abreviamos o que pudemos o descanso, xa que a continuación arbitraba él tamén o seguinte partido de cadetes.