VETERANOS DE MALPICA 3 - VETERANOS DE XORNES 0

A este precioso día non había que pedirlle nada salvo que fixese un pouquiño de menos calor. O árbitro parou por ese motivo o xogo durante a primeira parte.

Veteranos de Malpica : Suso Malpica ; Chaves, Suso Zas, Alberto de Carballo, Alberto Choiva; Javi Mato, Mutio, Tone, Luis; Arcay e Palermo. Despois entrarían Leo, Nando, Pedro, Abel e Fernando.

O resultado é bastante enganoso. O rival, con bastante xove, presionou moito durante os noventa minutos. Hoxe salvounos o traballo de todo o mediocampo, unha defensa moi boa (con un Suso Malpica impecable) e a contundencia arriba, con Palermo e Arcay moi batalladores.

Oportunidades da primeira mitade:

Min. 4 : Palermo conseguiu levarse un balón en pelexa cos centrais. Diante do porteiro meteu a punteira, saindo o balón preto do poste esquerdo.

Min. 10 : Palermo voltou a levarse o balón e, cando tiña posición para darlle de esquerda, usou a perna dereita e o balón saeu desviado.

Min.19 : Rouco conduciu o balón desde a dereita cara o centro do campo, viu o desmarque de David e fíxolle o pase. O árbitro pitou fora de xogo cando David estaba para marcar, con protesta do xogador.

Min. 23: Centro bombeado de Palermo preto do banderín de córner dereito que chegou a Mutio i éste disparou cara o sitio donde estaba Juan, que parou.

Min. 37 (1-0) : Palermo fíxose co balón na esquerda da área grande, foi sorteando a entrada dos defensas contrarios e cruzou diante da saída de Juan.

Min. 41 : precioso tiro de Rouco contra a base do poste esquerdo, que casi todos víamos como probable gol. Suso fixo unha estirada impecable para despexar a córner. Houbo unha posibilidade mais de marcar para eles, pois o saque de esquina foi cabeceado por un xogador do Xornes, pero o balón saiu alto por moi pouco.

Min. 44 : apertura de Tone cara a posición de Palermo a dereita do ataque. O árbitro pitou fora de xogo, cando o noso dianteiro quedaba só para ir cara porta, con protesta nosa.

Oportunidades da segunda mitade :

Min. 48 : Palermo escapou co balón dos centrais e cruzou, despexando brilantemente Juan.

Min. 50 (2-0) : Saque de esquina botado por Mutio desde a dereita e Palermo, elevándose sobre dos centrais, cabeceou inapelablemente a gol.

Min. 60 : Palermo recibiu o pase en tres cuartos de campo. Adéntrouse na área grande pola parte dereita e tirou moi forte. Entre o porteiro e o poste, o balón é despexado a córner.

Min. 65 : Arcay escapou pola dereita, adéntrouse na área, recortou ó seu par e disparou pegado a base do pao, tirándose Juan moi ben e despexando a córner.

Min. 70 (3-0) : Falta moi ben botada por Mutio desde a dereita ó corazón da área e impecablemente cabeceada por Alberto de Carballo a gol. O árbitro atribui o gol a Luis Naya.

Min. 89 : Falta directa sacada por Adrián. O trallazo sae fora por moi pouco.

Voltou a arbitrarnos un partido o xove cormelán Lucas Vicente Vidal. Seguiu o xogo bastante de lonxe. Cada un dos dous equipos protestoulle unha xogada na que pitou fora de xogo (a do Xornes con resultado de gol e a nosa que quedaba moi clara para irse só Palermo cara porta), pero xa sabemos que para un árbitro só faise a cousa moi difícil. Agradecemos o xesto que tivo de parar o xogo na primeira parte para que os xogadores bebesen algo, pois a calor era bastante excesiva. Botamos de menos que voltase a conceder esa circunstancia na segunda. Fora de eso, non se complicou en exceso.