VETERANOS DE MALPICA 3 - VETERANOS DE LEILOIO 1 (XORNADA 7)

O tempo xeado que esperábamos a semana pasada en Sofán, que non tivemos, collemolo esta semana en Pedra Queimada. Mais finalmente, o sol fixo levadeiro o partido.

Goles:

1-0 (Min. 15): Gurita

2-0 (Min. 37) : Joshua

2-1 (Min. 60): Alvaro

3-1 (Min. 87): Palermo

Esperábamos un partido intenso e abofé que o foi. Ningún dos dous equipos regalou nada sobre o campo. Chegamos ao descanso con dous goles de ventaxa grazas a nosa pegada. O primeiro, gol olímpico de Gurita desde o corner. Este xogador estanos a dar un plus nas xogadas a balón parado, ten un guante no pé; o segundo, Joshua cazou un balón preto da área pequena que o defensor non acertou a despexar i enchufouno dentro. Mentras que polos rivais Angel non foi capaz de cazar un par de balóns que, de habelo feito, puderon acabar en gol.

Xa creíamos que o partido estaba ben encauzado. Craso erro, porque o Leiloio comenzou a xogar moi ben ó fútbol na segunda parte. As fichaxes que fixeron do Xornes tamén lles deron ese plus. Pechounos no noso campo e combinando chegaba fácil as inmediacións de Suso Malpica que, coma sempre, demostrou a súa categoría. Tiveron un tiro ao pau e unha xogada na que Angel chegou só diante de Suso, despexando o noso porteiro in extremis. Mais quen a sigue a consigue, e Alvaro aproveitou unha xogada de balón parado para meternos o medo no corpo, nun gol que nos xenerou dúbidas de si entrara o balón ou non. Dourado sacou a un extenuado Leo, pasando Diego ao eixe da defensa con Alberto de Carballo, e Mutio con Joshua no mediocampo. O cambio surtiu efectos. Xa non había tanto dominio do equipo rival. E no min. 87, unha escapada de Gurita abre o balón cara a dereita a Arcay, que se meteu no extremo dereito dentro da área e ve só no segundo pau a Palermo, que controlou e marcou un bonito gol para darnos a tranquilidade final.

Arbitrou D. Bruno Méndez. Arbitraxe seria i, para nós, casi perfecta. Non así para os rivais, que lle protestaron moito i levaron por elo un par de tarxetas. Non foi decisivo no resultado.

Subscribirse a: Publicar comentarios (Atom)