OPERACIÓN RESCATE

Despois do susto do domingo pasado, unha das nosas estrelas mediáticas, Alberto de Barizo,  recupérase na súa casa, gracias ao bo facer do Ciruxano Xefe Dr. Guasi, alias "o matarife". O tendón de aquiles quedoulle coma novo e o paciente está encantado co novo implante. A navalla que lle regalaron xa ten dentes de tanto cortar "unhas labras"

 A directiva dos Veteranos de Malpica, tivo que tirar da tarxeta B para sufragar os gastos da mellor atención médica posible...

 O ciruxano Dr. Guasi, quedou moi satisfeito da operación, pero ainda así presentou unha queixa ao comité médico pola falla de material quirúrxico axeitado:
- "Boto de menos unha desbrozadora" - eran as suas palabras á prensa deportiva......

Por outra banda, os veteranos estamos nunha encrucillada, xa que temos dúbidas a quen contratar para o programa de rehabilitación de Alberto, por eso dende a directiva estáse facendo un chamamento nas redes sociais para que os internautas voten a que queren que contratemos: 

Se queredes que contratemos a Fifí Pechitos, chamade ao teléfono de Dourado. Se polo contrario queredes contratar a Señorita Ajuantadeles podedes chamar tamén a Dourado.

Alberto, o convaleciente, xa nos solicitou que a Fifí Pechitos a mandásemos para a casa de Suso e a de Abel.